ԱՄՆ դաշնային վերաքննիչ դատարանը արդարացրել է ամերիկացի Վալտեր Բաղդասարյանին, որը մինչ այդ դատապարտվել էր ԱՄՆ նախագահ Բարաք Օբամայի դեմ ռասիստական արտահայտություններ և «գնդակահարելու» կոչ անելու համար: Այս մասին հաղորդում է The Los Angeles Times օրաթերթը:
Երկու տարի առաջ Բաղդասարյանը մեղավոր էր ճանաչվել Բարաք Օբամայի դեմ սպառնալիքներ հնչեցնելու համար, որոնք տեղադրվել էին Yahoo.com կայքում 2008թ. հոկտեմբերի վերջին, երբ Օբաման պայքարում էր ԱՄՆ նախագահի պաշտոնի համար: Բաղդասարյանն այն ժամանակ ասել էր, որ սպառնալիքները հրապարակելու ժամանակ հարբած է եղել:
Դաշնայի վերաքննիչ դատարանը երեկ որոշումը կայացնելիս նշել է, որ Բաղդասարյանն այդ հրապարակումը կատարել է՝ լուրջ չվերաբերվելով դրան:
