Լուրեր
Ապրիլյան պատերազմի մեղավորները պետք է պատասխան տան, էրեխուս շիրիմի վրա մատաղ կանեմ․ զոհված զինվորի մայր
  • 11:47
  • 2020-04-02
  • Դիտումներ՝ *

Ապրիլյան պատերազմում զոհված զինվորի մայրը «Առաջին լրատվական»-ին փոխանցեց, որ անցած չորս տարիների ընթացքում իրենց համար ոչինչ չի փոխվել. «Բայց դե ակնկալիքներ ունենք, որ մեր կառավարությունը մեզ չի անտեսի»:

Նա իր երախտագիտությունը հայտնեց Էրեբունու վարչական շրջանին. «Պարոն Աբրահամյանը երբեք չի մոռանում մեր ընտանիքներին՝ լինի Մարտի 8, թե Նոր տարի»:

Այնուամենայնիվ նա խնդրեց, որ զոհվածների ընտանիքների նկատմամբ պետությունն ավելի ուշադիր լինի. «Մեր ընտանիքները շատ կարիքներ ունեն, բայց լռում են, որպեսզի չմտածեն, թե իրենց երեխաներին դրոշակ են սարքել: Բոլորը համարյա վարկերի, տոկոսների տակ են: Կան մարդիկ, որ իրենց բնակարաններն են ուզում վաճառել, որոնցից մեկը ես եմ»:

Զոհվածի մայրն ընդգծեց, որ ապրիլյան պատերազմի բոլոր մեղավորները պետք է պատասխան տան. «Խոսք եմ տալիս՝ ովքեր սրա հետևը կանգնած են, ես ինքս կդատապարտեմ. Հանրապետության հրապարակում բենզինը կլցնեմ կվառեմ և էս երեխաների շիրիմի վրա իրենց մատաղ կանեմ»:

 

Մանրամասն՝ տեսանյութում:

  • Դիտումներ՝ *