ԱՄՆ նախագահ Դոնալդ Թրամփն առաջարկել է 2 տրիլիոն դոլար հատկացնել կորոնավիրուսի համաճարակի պայմաններում ենթակառուցվածքի վերականգնման համար, հայտնում է FoxNews-ը:
Նրա խոսքով, ենթակառուցվածքի մասին օրինագծին սպասել են «մի քանի տասնամյակ»: Թրամփը հաղորդել է, որ օգնությունն ուղղված կլինի աշխատատեղերի ստեղծմանը և ԱՄՆ-ի «երբեմնի հզոր» ենթակառուցվածքի վերականգնմանը:
Ավելի վաղ Թրամփը նաև օրենք էր ստորագրել՝ կորոնավիրուսի հետևանքների դեմ պայքարի շրջանակում ավելի քան 2 տրիլիոն դոլարի չափով խթանող միջոցառումների մասին:
