Ադրբեջանական ANS PRESS-ի փոխանցմամբ՝ ՆԱՏՕ-ում Ադրբեջանի ներկայացուցչությունը դիմել է այդ կազմակերպությանը՝ խնդրելով աջակցել Աֆղանստանում կործանված ադրբեջանական Ил-76 ինքնաթիռի կործանման վայր հասնելու կամ դրա կործանման մասին հավաստի տեղեկատվություն ստանալու հարցերում։
ՆԱՏՕ-ում Ադրբեջանի ներկայացուցիչ Խազար Իբրահիմը հայտնել է, որ իրենք դիմել են ՆԱՏՕ-ին՝ կործանված ինքնաթիռի անձնակազմի դիակները ստանալու հարցում, ՆԱՏՕ-ն էլ խոստացել է աջակցել.
«Հնարավոր է՝ ՆԱՏՕ-ի ջանքերի շնորհիվ գրանցվի որոշակի առաջընթաց։ Սակայն մյուս կողմից էլ միջադեպը գրանցվել է Աֆղանստանում։ Ինչպես հայտնի է՝ դա շատ ծանր տարածաշրջան է»։
Հիշեցնենք, որ մոտ երկու շաբաթ առաջ «Թալիբան» շարժման ներկայացուցիչ Զաբիհուլահ Մուջահեթը հայտարարել է, որ իրենք են կործանել ադրբեջանական Ил-76 ինքնաթիռը, քանի որ այն զենք էր փոխադրում Աֆղանստանում գտնվող ամերիկացի զինվորականների համար։
