Այսօր՝ մարտի 30-ին, Ազգային ժողովում հրավիրվել է արտահերթ նիստ: Այժմ քննարկվում է Բնակչության բժշկական օգնության և սպասարկման մասին օրենքում լրացումներ կատարելու մասին օրենքի նախագիծը:
Ինչպես նշեց առողջապահության փոխնախարար Անահիտ Ավանեսյանը` կորոնավիրուսի հիվանդության հետևանքով մահացած անձի հերձումը կարող է առաջացնել վարակի տարածման աննախադեպ հետևանքներ:
«Նախ պետք է քննարկեինք, որ մեր բուժաշխատողները 100 տոկոսով պաշտպանված լինեն: Բուժաշխատողը ոչ միայն չպետք է մոտենա դիակին, այլև հիվանդին: Բա մենք չիմանա՞նք` այդ հիվանդը ինչից է մահացել` գուցե դիաբետից է կամ այլ պատճառով»,- փոխնախարարին ասաց «Իմ քայլը» խմբակցության պատգամավոր Հովհաննես Իգիթյանը:
Պատգամավորը նշեց, որ իր տվյալներով` Չինաստանի դիահերձման փորձը կրկնում են այլ երկրներ և որոշ հաջողությունների են հասել. «Այս նախագծով, իմ կարծիքով, մեզ և մասնագետներին զրկում ենք իմանալու մահվան հստակ պատճառը»:
Մանրամասները՝ տեսանյութում:
