Այսօր՝ մարտի 30-ին, Ազգային ժողովում հրավիրվել է արտահերթ նիստ: Այժմ քննարկվում է Արտակարգ դրության իրավական ռեժիմի մասին օրենքում լրացումներ կատարելու մասին օրենքի նախագիծը:
Ինչպես նշեց արդարադատության նախարար Ռուստամ Բադասյանը, կորոնավիրուսի պանդեմիայի տարածումը կանխարգելելու համար կարող է միջամտություն կատարվել անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքներին:
«Բարգավաճ Հայաստան» խմբակցության պատգամավոր Միքայել Մելքումյանը նախ հետաքրքրվեց, թե արդյոք երկարաձգվելո՞ւ է արտակարգ դրության ռեժիմը. «Վաղը լրանում է մեկշաբաթյա ժամկետը: Այս արտակարգ դրության արդյունքում կորը ո՞ր ուղղությամբ է գնում` գնում է դեպի լոկալիզացիա՞, թե՞ առայժմ դա անշնորհակալ գործ է. կա՞ գնահատական»:
Ի պատասխան` նախարարն ասաց, որ այդ հարցին կոնկրետ կպատասխանի պարետը: Նրա խոսքով` արված միջոցառումների արդյունքում վարակման գործակիցը հասել է 1.5 տոկոսի:
Մանրամասները՝ տեսանյութում:
