Աշխարհում կորոնավիրուսով վարակվածների թիվը գերազանցել է 400 հազարը: Այդ մասին են վկայում BNO News-ի մոնիտորինգի տվյալները:
Վերջին տվյալների համաձայն, աշխարհում հայտնաբերվել է վարակի 407485 դեպք: COVID-19-ից առաջացած թոքաբորբից մահացել է 18.2 հազար մարդ, բուժվել է 104.2 հազար մարդ: Վարակի ամենամեծ օջախները գտնվում են Չինաստանում, ԱՄՆ-ում և Իտալիայում:
Ամենաբարձր մահացությունը գրանցվել է Իտալիայում. մարտի 24-ին COVID-19-ից առաջացած թոքաբորբից մահացության դեպքերի թիվն ավելացել է օրական 743-ով: Սա ամենաբարձր ցուցանիշն է փետրվարի վերջից ի վեր:
Ավելի վաղ ՄԱԿ-ի գլխավոր քարտուղար Անտոնիո Գուտերեշը G20-ի երկրներին կոչ է արել վերացնել այլ պետությունների դեմ գործող բոլոր պատժամիջոցները՝ կորոնավիրուսի դեմ պայքարի համար: Նրա կարծիքով, նրանք պետք է ավելի շատ ռեսուրսներ ներդնեն համաճարակի դեմ պայքարում: