Մադրիդի հյուրանոցները պատրաստ են բժիշկներին 9 հազար տեղ տրամադրել կորոնավիրուսով վարակված հիվանդներին տեղավորելու համար, հաղորդել է Հյուրանոցային բիզնեսի մադրիդյան միությունը (AEHM)։
«Մենք այսօր առողջապահության խորհրդի տնօրինությանն ենք տրամադրում առաջին երկու հյուրանոցները։ Մենք 9 հազար տեղ ենք առաջարկել ավելի քան 40 հյուրանոցներում, որպեսզի տեղավորենք այն հիվանդներին, որոնք հիվանդանոցներում գտնվելու անհրաժեշտություն չունեն։Սակայն անհրաժեշտության դեպքում հյուրանոցների քանակն ավելի շատ կարող է լինել»,- ասվում է AEHM գլխավոր քարտուղար Մար դե Միգելի հայտարարության մեջ։ Հիվանդները կգտնվեն բժիշկների հսկողության տակ։
Նա նշել է, որ հյուրանոցների թիվը, որոնք պատրաստ են տարածքներ տրամադրել, անընդհատ աճում է։
Առաջինն իրենց դռները կբացեն հիվանդների առջև Ayre Gran Hotel Colón և Marriot Auditorium հյուրանոցները։