ԱԺ տնտեսական հարցերով հանձնաժողովի նիստին հանձնաժողովի նախագահ Բաբկեն Թունյանը հիշեցրեց, որ Ազգային ժողովն ընդունել է ներկրվող ցեմենտի պետական տուրք սահմանելու հարցը՝ 14 հազար դրամ մեկ տոննայի համար. «Պայմանավորվել էինք, որ այդ սահմանափոկումը կգործի մեկ տարի ժամկետով: Ապրիլին դրա ժամկետը լրանում է, և հիմա կառավարությունն առաջարկում է ևս 3 ամսով նույն ռեժիմը պահպանել, մինչև հետո ավելի համապարփակ լուծում գտնելը»:
Դիմելով էկոնոմիկայի փոխնախարարին՝ «Լուսավոր Հայաստան» խմբակցության պատգամավոր Արկադի Խաչատրյանը նշեց. «Ցեմենտի ներկրման համար տուրքի սահմանումը ընդունելուց անցել է 1 տարի, և մենք ակնկալում էինք, որ մեկ տարի անց պետք է քննարկեինք նախկինում ընդունված մեր օրենքի ազդեցության գնահատման արդյունքները և ներկայացնեինք, թե այդ տուրքի կիրառումը արդարացրե՞ց մեր նպատակները, այն է՝ բարձրացնել ոլորտի մրցունակությունը և խթանել մրցակցությունը»:
Պատգամավորի կարծիքով՝ քանի որ տեղեկատվությունը փակ է, ուրեմն քննարկումը պետք էր անցկացնել փակ ռեժիմով և ներկայացնել, թե ինչ փոփոխություններ տեղի ունեցան այս ընթացքում. «Մասնավորապես, կա՞ն փոփոխություններ ինքնարժեքի հաշվարկի մեջ, ցեմենտի ներմուծման տուրքը ժամանակավո՞ր է, թե՞ մշտական և այլն»:
Մանրամասն՝ տեսանյութում:
