ԱԺ տնտեսական հարցերով հանձնաժողովի նիստին հանձնաժողովի նախագահ Բաբկեն Թունյանը հիշեցրեց, որ Ազգային ժողովն ընդունել է ներկրվող ցեմենտի պետական տուրք սահմանելու հարցը՝ 14 հազար դրամ մեկ տոննայի համար. «Պայմանավորվել էինք, որ այդ սահմանափոկումը կգործի մեկ տարի ժամկետով: Ապրիլին դրա ժամկետը լրանում է, և հիմա կառավարությունն առաջարկում է ևս 3 ամսով նույն ռեժիմը պահպանել, մինչև հետո ավելի համապարփակ լուծում գտնելը»:
«Իմ քայլը» խմբակցության պատգամավոր Եղիշե Սողոմոնյանը կարծում է, որ տուրքի մոտեցումը շատ սխալ է. «Ներմուծումը շարունակվել է, քանի որ հաշվարկը ճիշտ չէր: Նրանք 1.5 տոկոս՝ 700 դրամ հարկ էին տալիս ու կարողանում էին մրցակցել տեղական արտադրողների հետ: Դա բերում է նրան, որ այս տուրքի մոտեցումը շատ սխալ է: Մենք պետք է ուրիշ մոտեցում գտնեինք, եթե ուզում ենք պաշտպանել»:
Մանրամասն՝ տեսանյութում:
