Հայաստանն ընդգրկված է այն 70 երկրների ցանկում, որոնք համարվում են սակավանտառ երկրներ: Այնինչ, 2 հազար տարի առաջ մենք 40 տոկոս անտառ ենք ունեցել, որը ինչ-ինչ պատճառներով այրվել է, կտրվել և այլն, և այլն: Այս մասին այսօր հրավիրված ասուլիսի ընթացքում տեղեկացրեց «Հայանտառ» ՊՈԱԿ-ի գլխավոր մասնագետ Ռուբեն Պետրոսյանը: Այս պահի դրությամբ, ըստ նրա, ունենք 28 տոկոս անտառ, մնացածը միջին կամ վատ որակի անտառներ են: Ընդհանուր առմամբ, ունենք 19 անտառտնտեսություն:
Գերմանական կազմակերպությունները Հայաստանում հետազոտություններ են իրականացնում։ Հետազոտության արդյունքներով, 2003 թ. հատվել է տարեկան 1 միլիոն խորանարդ մետր անտառ, որից 3 հազար խորանարդ մետրը բիզնեսի մեջ է օգտագործվել:
Հիմա ընդամենը 4 հազար խորանարդ մետր է ապօրինի հատվում: Իսկ ապօրինի հատումները հիմնականում պայմանավորված են սոցիալական խնդիրներով:
Դրան նպաստում է նաև գազի գինի թանկացում: Միաժամանակ գազաֆիկացումը օգնում է, որ ապօրինի ծառահատումները նվազեն:
Հարկ է նկատել, որ 2003 թ. հատվել է 24 հազար հեկտար ծառ, նախորդ տարի՝ 2520 ծառ, իսկ այս տարի՝ 1750 ծառ: Արդյունքում, 46 հոգի աշխատանքի ազատվել է, քրեական գործեր կան, իսկ Վանաձորի անտառապետը ազատազրկված է:
Ինչ վերաբերում է վերականգման աշխատանքներին, Ռուբեն Պետրոսյանը տեղեկացրեց, որ 2003 թվից ֆինանսավորում է իրականցվել, որպեսզի անտառտնտեսությունները վերականգնվեն, սակայն դրա համար 80-120 տարի է անհրաժեշտ, որ տնկիները անտառ դառնան: Բացի այդ, վերականգնման ընթացքում շատ հաճախ հին տեսակները հնարավոր չի լինում պահպանել։ Արդյունքում անտառները որակապես էլ են փոխվում, ինչը մեր գլխավոր և մտահոգիչ խնդիրներից մեկն է: Ռուբեն Պետրոսյանն ասաց, որ ինչպես երեխաներին են մանկապարտեզում, դպրոցում, մագիստրատուրայում կրթում, դաստիարակում, այնպես էլ անտառտնտեսություններին է պետք նման ուշադրություն հատկացնել: Բայց միաժամանակ նկատեց, որ վերջին ժամանակաշրջանում, պայմանավորված ֆինանսատնտեսական ճգնաժամով, անտառտնտեսությունների վերականգման ուղղությամբ ֆինանսավորումը նվազել է: Սակայն եթե այսպես շարունակվի, անտառների վիճակը տարեցտարի կվատանա:
Իսկ թե հրդեհների դեմ պայքարելու համար ինչ աշխատանքներ են տարվում՝ տեղեկացրեց, որ տեխնիկապես հնարավորությունները թույլ են, սակայն սույն ամիսի 22-ին Վանաձորում և Կապանում արագ արձագանքման խմբեր կստեղծվեն, և հրդեհի դեմ պայքարելու համար վերազինված մեքենաներ կտրվեն:
Այս տարի Երևանում գրանցվել է հրդեհի 2 դեպք, իսկ Գյումրիում՝ 1:
