Լուրեր
Ցավոք, մեր հասարակությունում կանայք մյուս կանանց չեն ընկալում որպես սոցիալական հենարան․ Լենա Նազարյան

Գյումրիում ծեծի հետևանքով մահացած 43-ամյա կնոջ հուղարկավորության արարողությանը հարազատները չմասնակցեցին, մասնակցեցին Շիրակի մարզպետարանի և Գյումրու քաղաքապետարանի աշխատակիցները՝ մարզպետի և քաղաքապետի գլխավորությամբ, ինչպես նաև ԱԺ փոխնախագահ Լենա Նազարյանը և վարչապետի նորանշանակ մամուլի խոսնակ Մանե Գևորգյանը:

Հիշեցնենք՝ Գյումրիում 28-ամյա երիտասարդը դաժանաբար ծեծի էր ենթարկել իր հետ բնակվող կնոջը և նրա անչափահաս դստերը, նրանք 8 ժամ շարունակ արյունաքամ վիճակում մնացել են տնակում, միայն կնոջ մահանալուց հետո էին կանչել շտապօգնությանը և ոստիկանությանը: Ինչի՞ մասին է վկայում այս դեպքը:

Թեմայի շուրջ «Առաջին լրատվական»ի հետ զրույցում ԱԺ փոնախագահ Լենա Նազարյանը նշեց, որ ակնհայտ է մի քանի խնդիր. «Նախ՝ բռնություն է տեղի ունեցել: Կարծում եմ՝ հնարավոր է այդ ամենը տեղի չունենար,  եթե հարազատները, հարևանները, ուսուցիչները ահազանգեին ժամանակին, ինչպես նաև սոցիալական ծառայության աշախատակիցները հետևողական լինեին, քանի որ հայտնի է, որ չորս տարի առաջ էլ այդ կինը բռնության է ենթարկվել նույն տղամարդու կողմից: Այսինքն՝ եթե անտարբերություն չդրսևորվեր շրջապատի և պատկան մարմինների կողմից, գուցե այս դեպքը չէր լինի»:

Մանրամասն՝ տեսանյութում:

  • Դիտումներ՝ *