Վրաստանի առողջապահության նախարարության հիվանդությունների վերահսկման ազգային կենտրոնի ղեկավարի որդին` Նիկոլոզ Գամկրելիձեն, Facebook-ում ասել է, որ վարակված է կորոնավիրուսով:
Նիկոլոզ Գամկրելիձեն՝ Ամիրան Գամկրելիձեի որդին, գլխավորում է «Էվեքս» բժշկական մեծ ընկերությունը: Նա ասել է, որ շփում է ունեցել այն աշխատողի հետ, ով, պարզվել է, որ հիվանդ է կորոնավիրուսով, ինչից հետո անցել է ինքնամեկուսացման ռեժիմին: Այնուամենայնիվ, վիրուսի բնորոշ ախտանիշները շուտով սկսվել են, և ստուգման արդյունքում հայտնաբերվել է նաև կորոնավիրուսը:
«Բնականաբար ես գնացել եմ վարակիչ հիվանդությունների կլինիկա և սկսել եմ բուժվել: Բարեբախտաբար, մարդկանց շրջապատը, ում հետ ես կապվել եմ, նեղ է, նրանք բոլորը մեկուսացված են: Ես ինձ լավ եմ զգում», – գրել է Գամկրելիձեն:
Ըստ նրա՝ չնայած այն հանգամանքին, որ վարակվածների ինքնությունը գաղտնի տեղեկություն է, ինքը որոշել է խոստովանել դրա մասին նախ և առաջ նրա համար, որպեսզի ապացուցի, որ հիվանդությունը ամոթալի չէ:
