«Մեր հարևան երկրներում արդեն գրանցված են կորոնավիրուսի հաստատված դեպքեր, և հնարավոր է, որ մեր երկրում էլ լինեն դեպքեր: Առաջին հերթին ամենալավ կանխարգելման միջոցը հիվանդության, հիվանդության ախտանիշների, կանխարգելման հնարավոր բոլոր ուղիների մասին իրազեկված լինելն է»,- «Առաջին լրատվական»-ի հետ զրույցում ասաց մանկաբույժ, վարակաբան, ինֆեկցիոն հիվանդությունների ամբիոնի դասախոս Հռիփսիմե Անդրեսյանը՝ անդրադառնալով կորոնավիրուսի կանխարգելման միջոցառումներին:
Նրա խոսքով՝ շատ կարևոր է, որ ջերմության բարձրացման յուրաքանչյուր դեպքի ժամանակ խուճապ չառաջացնել:
Նշելով, թե բժիշկների շրջանում ինչ աշխատանքներ են կատարվել, մեր զրուցակիցը նկատեց նաև, որ կան, սակայն, բացթողումներ. «Այն մարդիկ, ովքեր ժամանում են արտերկրից, իրենց անելիքները չգիտեն: Յուրաքանչյուր անձ հստակ պետք է իմանա իր անելիքը: Թեև բժիշկները իրազեկված են, սակայն միևնույն է՝ ժողովուրդը ևս պետք է իրազեկված լինի: Թեև եթե համեմատենք շնչական այլ վիրուսների հետ, կորոնավիրուսի տարածման արագությունը և վարակված անձանց թիվը անհամեմատ զիջում է, օրինակ, գրիպին, մահացության թվերը զիջում են կորոնավիրուսի այլ տեսակներին, բայց միևնույն է՝ մարդկանց համար դա նորություն է, և պանիկան եծ է»:
Հարցազրույցն ամբողջությամբ՝ տեսանյութում:
