2019 թվականի ընթացքում կայացվել է ճանապարհային երթևեկության անվտանգության ապահովման բնագավառի իրավախախտման 1 միլիոն 959 հազար 170 որոշում, «Ճանապարհային երթևեկության արդի հիմնախնդիրները և դրանց լուծման ուղիները» թեմայով խորհրդարանական լսումների ժամանակ ասաց ՀՀ ճանապարհային ոստիկանության պետ Եգոր Կարապետյանը։
«Տեխնիկական միջոցներով հայտնաբերված իրավախախտումների գործերով նախազգուշացվել է 298 հազար 645 անձ, ոչ սթափ վիճակում տրանսպորտային միջոց վարելու գործով կայացվել է 4803 որոշում, պահպանվող տարածք է տեղափոխվել 14 հազար 807 տանսպորտային միջոց, որից 9405-ը՝ Երևան քաղաքում», – ասաց Կարապետյանը։
