ԱԺ պատգամավոր Արման Բաբաջանյանը ֆեյսբուքյան իր էջում գրել է.
2020թ․ մարտի 1–ին մենք ոգեկոչելու ենք 12-ամյա վաղեմության իրադարձությունները։ Մարտի 1–ը չունի կուսակցական, հատվածական պատկանելություն և համազգային ամոթի և ողբերգության ոգեկոչման օր է:
Կիրակի օրը՝ մարտի 1-ին, ժամը 18.00-ին մենք՝ մեր համախոհ ու գաղափարակից ընկերներով կխմբվենք Օպերայի և բալետի ազգային ակադեմիական թատրոնի ծառայողական մուտքի մոտ ապա միասնական երթով Ազատության հրապարակից կշարժվենք դեպի Մյասնիկյանի արձան՝ հարգանքի տուրք մատուցելու այդ ողբերգության անմեղ զոհերին։
Մեր հայրենակիցներին ևս կոչ ենք անում մասնակցել զոհերի հիշատակի ոգեկոչման այդ արարողությանը՝ ցույց տալու համար մեր միասնականությունը այդ ոճրագործության վերջնական բացահայտման ու մեղավորներին պատասխանատվության ենթարկելու, պետության ավելի քան քսանամյա բռնազավթմանը իրավաքաղաքական գնահատական տալու մեր հաստատակամ որոշմանը՝ ապագայում նման հանցագործություններն իսպառ բացառելու համար։
https://www.facebook.com/photo.php?fbid=3255821001113675&set=a.486170231412113&type=3&theater
