Ինչպես վկայում են նավթարտահանող երկրների կազմակերպության (ՕՊԵԿ) տվյալները, Վենեսուելան 2010 թ. վերջին ուներ նավթի հաստատված ամենամեծ պաշարներն աշխարհում՝ մոտ 296.5 մլրդ բարել: Մեկ տարվա ըթնացքում ՕՊԵԿ-ի կանխատեսումներն աճել են 40%-ով, ինչը թույլ է տվել հարավամերիկյան այս երկրին շրջանցել նախորդ տարվա առաջատարին՝ Սաուդյան Արաբիային՝ 264.5 մլրդ բարել: Այս մասին հաղորդում է Interfax գործակալությունը:
British Petroleum-ի կանխատեսումներով՝ Վենեսուելայի հաստատված պաշարներն անցած տարի կազմել են 211.2 մլրդ բարել, իսկ Սաուդյան Արաբիայի պաշարների առումով BP-ի կանխատեսումները համընկել են ՕՊԵԿ-ի կանխատեսումների հետ: Իրաքի հաստատված նավթային պաշարներն անցած տարի աճել են 24%-ով՝ կազմելով 143.1 մլդ բարել: Իրանում այդ աճը կազմել է 10%՝ 151.1 մլրդ:
Ընդհանուր առմամբ, ՕՊԵԿ անդամ երկրների հաստատված նավթային պաշարներն աճել են 12%-ով՝ կազմելով 1.19 տրլն բարել, ինչը աշխարհի նավթային պաշարների 81.3%-ն է:
