Շվեյցարական Օբերհալաու ավանում, որը գտնվում է Ցյուրիխից 80 կմ հեռավորության վրա, տեղի 47-ամյա բնակիչ Կոնրադ Շմիդտը վարձել է Diamond Aircraft DA42 փոքրիկ ինքնաթիռ և մխրճվել դրանով իր մոր տան մեջ, որի հետ ավելի վաղ վիճաբանության մեջ էր մտել: Մահապարտ օդաչուն մահացել է, իսկ ահա նրա 67-ամյա մայրը կենդանի է մնացել: Մահաբեր թռիչքից մի քանի րոպե առաջ նա զանգել է մորը, հետաքրքրվել, թե որտեղ է, և հայտնել է, որ ինքն արդեն «վայրէջք է կատարում»: Այս մասին հաղորդում է The Daily Mail-ը:
Ականատեսները պատմել են, որ Կոնրադը երկու պտույտ է կատարել մոր տան վրա, այնուհետև մեքենան ուղղել է իր հայրական տան վրա: Մայրը փրկվել է միայն երջանիկ պատահականության շնորհիվ՝ նա գտնվել է նկուղում: Վերջին շրջանում Կոնրադը գտնվել է դեպրեսիվ վիճակում և լուրջ խնդիրներ է ունեցել մոր հետ:
