Արքայազն Հարիի կնոջ անօթևան եղբայրը՝ 53-ամյա Թոմ Մարքլը մեղադրել է քրոջն ընտանեկան խնդիրներն անտեսելու մեջ։ Այս մասին հաղորդում է The Sun-ը։ Թոմի խոսքերով, նա անօթևան է դարձել աշխատանքից ազատվելուց և հարսնացուից բաժանվելուց հետո։ Ներկայումս տղամարդը ստիպված է ապրել իր ծեր մոր հետ։
Մեգանի եղբայրը հայտարարել է, որ իր՝ աշխատանքը կորցնելու պատճառն իր հայտնի ազգանունն է դարձել։ Նա խոստովանել է, որ Մեգանի հետ իրեն նույնականացնելը «գրեթե քանդել է» իր կյանքը։
Ընդ որում, Թոմը նշել է, որ Մեգան Մարքլը մշտապես բարեգործական միջոցառումների է մասնակցում, բայց որևէ կերպ չի օգնում իր սեփական ընտանիքին։