Հունվարի 1-ից մինչև փետրվարի 14-ը բանակում մահացել է 13 զինվոր, ընդ որում՝ ոչ հակառակորդի կրակոցից:
Այս ցուցանիշներն արեն խոսում են ոչ թե առանձին դեպքերի, կամ լոկալ դրսևորումների, այլ՝ թաքնված տեռորի մասին, երբ հայկական զինված ուժերը, բառի բուն իմաստով, հոշոտվում են ոչ թե արտաքին, այլ՝ առայժմ անտեսանելի «ներքին թշնամու» կողմից։ Հայկական բանակին, մեր հասարակությանը պատերազմ է հայտարարված, սակայն այս դեպքում մարտահրավերը գալիս է ոչ թե սահմանից անդին, այլ մեր ներսում է, որ մի դեպքում կարող է լինել վատ կառավարում, այլ դեպքերում՝ հանցավոր անտարբերություն կամ անփութություն։Թեմայի շուրջ «Առաջին լրատվական»-ը զրուցել է սոցիոլոգ Արտակ Սաղաթելյանի և «Իմ քայլը» խմբակցության պատգամավոր Սարգիս Խանդանյանի հետ:
