Պաշտոնական այցով Հայաստանում էր գտնվող՝ Հորդանանի Հաշիմյան Թագավորության թագավոր, Նորին Արքայական Մեծություն Աբդալլահ Երկրորդ Իբն Ալ Հուսեյն Ալ Հաշիմին։
Նախագահ Սարգսյանն իր խոսքում պատմական համարելով Նորին Արքայական Մեծության այցը Հայաստան, որպես հայ՝ իր երախտիքի խոսքն է հղել Հորդանանի ժողովրդին և թագավորի ընտանիքին. «Բոլորն են հիշում, որ Ձեր նախապապը կոչով է դիմել արաբ ժողովրդին՝ ապաստան տալ Հայոց ցեղասպանությունը վերապրած հայերին: Եվ ես ցանկանում եմ իմ ժողովրդի անունից խորին շնորհակալություն հայտնել»:
Նախագահական նստավայրում երկու երկրների պաշտոնական պատվիրակությունների, տեղացի և օտարերկրյա դիվանագետների, միջազգային կազմակերպությունների ղեկավարների, արևելագետ-գիտնականների ներկայությամբ Նորին Արքայական մեծությունը իր ուղերձն է հղել «Կրոնը և հանդուրժողականությունը» թեմայով:
Հորդանանի Թագավորի այցի մանրամասները «Առաջին լրատվական»-ի տաղավարում կքննարկենք Հայաստանի Հանրապետության Նախագահ Արմեն Սարգսյանի օգնական Գևորգ Մելիքյանի հետ:
