Ջութակը, որը պատկանել է բրիտանացի երաժիշտ Ուոլես Հարթլիին, որը զոհվել է 1912թվականին «Տիտանիկի» խորտակման ժամանակ, ցուցադրել են ԱՄՆ-ում Titanic Museum Attraction-ում, հայտնում է ozarksfirst.com-ը:
Ավելի վաղ գործիքը վաճառվել է 1.7 մլն դոլարով: Դա նավի արտեֆակտների համար երբեւէ վճարված ամենաբարձր գինն է:
Այժմ անանուն տերը համաձայնել է, որ ջութակը մի քանի օր ցուցադրվի թանգարանում:
«Սա ամենանշանավոր իրն է: Այս գործիքով է նվագել Ուոլես Հարթլին՝ նվագախմբի երաժիշտն ու ղեկավարը, երբ նավը խորտակվում էր»,- մեկնաբանել է ընկերության տնօրեն Էնդրյու Օլդրիջը:
Ի սկզբանե ջութակը Ուոլես Հարթլիին նվիրել էր նրա հարսնացուն: Նա գործիքը վերցրել էր իր հետ «Տիտանիկի» առաջին ճանապարհորդության ժամանակ: Այսբերգի հետ ողբերգական բախումից հետո երաժիշտների մի խումբ մինչեւ վերջ նվագել են ուղևորների համար (այս տեսարանը վերստեղծվեց Ջեյմս Քեմերոնի համանուն ֆիլմում:
Ցավոք, Հարթլին չէր կարողացել փրկվել: Նրան հայտնաբերել են երկու շաբաթ անց: Դիակի վրա մի ջութակ էր կապած, որը փոխանցվել է մահացած երաժիշտի հարսնացուին: Իսկ հարսնացուն այն նվիրաբերել է «Փրկության բանակ» բարեգործական կազմակերպությանը:
Եզակի ցուցանմուշը կցուցադրվի մինչեւ հունիսի 15-ը: