ԱՄՆ Միչիգանի համալսարանի գիտնականները բացահայտել են մտավոր առողջության պահպանման միջոցը:
Պարզվել է, որ լավատես զուգընկերոջ հետ համատեղ կյանքը նպաստում է ամուսինների մոտ Ալցհայմերի հիվանդության, թուլամտության և ճանաչողական ունակությունների այլ խանգարումների զարգացման վտանգի նվազմանը, հաղորդվում է մամուլի հաղորդագրության մեջ MedicalXpress-ում:
Հետազոտողները 4500 զույգերի ութամյա դիտարկումներ են անցկացրել և կապ հայտնաբերել լավատես մարդու հետ ամուսնության և մտավոր առողջության վատացման ցածր վտանգի միջև: Նման զուգընկերն օգնում է առողջ ապրելակերպ վարել, ճիշտ սնվել և ֆիզիկապես ակտիվ լինել: Թեպետ լավատեսության հակումը մասամբ փոխանցվում է ժառանգաբար, ապացույցներ կան, որ այս հատկանիշը հնարավոր է նաև ձեռք բերել: Օրինակ, մարդիկ ընդունակ են փոխվելու, եթե երկար ժամանակ գտնվում են մեկ այլ մարդու ազդեցության տակ: