Վրաստանի խորհրդարանի նախկին խոսնակ, «Միացյալ Վրաստան» ընդդիմադիր կուսակցության առաջնորդ Նինո Բուրջանաձեն RIA Novosti-ին ասել է, որ Վրաստանում կարող է հեղափոխություն սկսվել, եթե աշնանային խորհրդարանական ընտրությունները անցկացվեն առանց նորմերի պահպանման:
Ըստ քաղաքական գործչի՝ ութ տարի անց իշխող «Վրացական երազանք» կուսակցությունը սկսում է հիշել նախորդ դեպքերը, և դա հուշում է, որ հակառակորդների քաղաքական հետապնդումները սկսվել և շարունակվում են Վրաստանում:
«Դժբախտաբար, Իվանիշվիլին կավարտի նույնքան վատ, որքան ավարտեց Սահակաշվիլին։ Այդ պատճառով էլ ընդդիմությունը ստիպված է շարունակել նստել մեկ սեղանի շուրջ և գործել համաձայնեցված ձևով, հակառակ դեպքում մեզ բոլորիս առանձին-առանձին կնստեցնեն: Ընդդիմությունը կշարունակի գործել: «Վրացական երազանքը» ամեն ինչ արել է մեծամասնությունը ամեն գնով պահպանելու համար», – ասել է Բուրջանաձեն՝ հավելելով, որ իրենց պետք են բնականոն ընտրություններ, բազմակուսակցական խորհրդարան, որպեսզի բացառեն ցանկացած կուսակցության միակողմանի իշխանությունը: