Ռուսաստանի պետդումայի պատգամավոր Այրաթ Խայրուլլինի մահվամբ ավարտված ուղղաթիռի կործանման պահը տեսանկարահանվել է: Տեսանյութը հրապարակել է Life Shot ալիքը փետրվարի 9-ին:
Տեսանյութում երեւում է Bell ուղղաթիռի կործանման հնարավոր պահը Կազանի մոտ՝ Կամա գետի սառույցների վրա:
Ըստ նախնական տվյալների, որպես ավիավթարի վարկածներ նշվում էին օդաչուի սխալը եւ եղանակային պայմանները: Վայրէջքի ժամանակ ուղղաթիռը մեծ արագությամբ պոչով խփվել է գետնին, իսկ հետո ամբողջ կորպուսով ընկել:
Խայրուլինը, որը նստած է եղել ձախ կողմում առջևի մասում, դուրս է նետվել եւ մնացել ուղղաթիռի տակ: Նա մահացել է դեպքի վայրում:
Պետդումայի պատգամավորի ուղղաթիռի կարծանման մասին հայտնի է դարձել փետրվարի 7-ի երեկոյան: Ուղղաթիռը կոշտ վայրէջք է կատարել սառուցի վրա՝ Լաիշեվո քաղաքից 6 կմ հեռավորության վրա՝ անմիջապես թռիչքից հետո: Ըստ ականատեսների, պատգամավորի ուղղաթիռը թռչել է ցածր բարձրության վրա: