Այսօր՝ փետրվարի 6-ին, խոշոր ավտովթար է տեղի ունեցել Կոտայքի մարզում: Ժամը 10:15-ի սահմաններում Երևան-Սևան ավտոճանապարհի 42-րդ կմ հատվածում՝ Լեռնանիստ գյուղի խաչմերուկում, բախվել են Չարենցավան քաղաքի բնակիչ, 33-ամյա Հովհաննես Ա.-ի վարած Opel մակնիշի 36 CA 169 համարանիշի և Երևանի բնակիչ, 40-ամյա Տիգրան Գ.-ի վարած Volkswagen մակնիշի 17 TG 177 համարանիշի ավտոմեքենաները: Այս մասին հայտնում է Shamshyan.com-ը։
Վթարի հետևանքով 2 վարորդներն ու Տիգրան Գ.-ի ուղևոր, Երևանի բնակիչ, 61-ամյա Համբարձում Խ.-ն մարմնական վնասվածքներով տեղափոխվել են «Հրազդան» բժշկական կենտրոն: Փաստի առթիվ նյութեր են նախապատրաստվում:
Աղբյուրի փոխանցմամբ՝ բախման հետևանքով Opel-ը դուրս է եկել ճանապարհի երթևեկելի գոտուց, բախվել երկաթե արգելապատնեշին և հայտնվել ձորակում: