Թուրքիայի արտաքին գործերի նախարար Մևլյութ Չավուշօղլուն չի բացառել Թուրքիայի և Ռուսաստանի նախագահների հանդիպումը Իդլիբի իրադրության շուրջ: Այդ մասին նա հայտարարել է փետրվարի 6-ին Բաքվում անցկացված մամուլի ասուլիսում՝ տեղեկացնում է TASS-ը:
«Հեռախոսազրույց է տեղի ունեցել Էրդողանի և Պուտինի միջև, որի ընթացքում բացեիբաց քննարկվել են բոլոր հարցերը: Որոշում է ընդունվել շարունակել համատեղ աշխատանքը: Այժմ մենք սպասում ենք Ռուսաստանից պատվիրակության ժամանմանը: Դրանից հետո, եթե անհրաժեշտություն լինի, կարող են հանդիպել ղեկավարները: Մեր նպատակը գրոհները կանգնեցնելն է»,-ասել է Չավուշօղլուն: