Անցյալ շաբաթ Թուրքիայի Էլազըղ (Խարբերդ) քաղաքում տեղի ունեցած ուժգին երկրաշարժի հետևանքով ավերվել է Դիարբեքիրի (Տիգրանակերտ) հայկական Սուրբ Սարգիս կիսավեր եկեղեցու կամարների մի մասը: Այս մասին Facebook-ում կատարած գրառմամբ տեղեկացրել է Խաչիկ Մուրադյանը՝ գրում է «Ասպարեզ» պարբարեկանը։
Գրառմանը կից Մուրադյանը ներկայացրել է մի լուսանկար, որը, ըստ գրառման հեղինակի, ստացել է տեղացի մի բարեկամի կողմից, ով չի ցանկացել իր անունը հանրայնացնել:
Հայտնի է, որ եկեղեցին երկրաշարժի էպիկենտրոնից գտնվում է 75 մղոն հեռավորության վրա։ Ըստ հեղինակի՝ եկեղեցու փլուզմանը նպաստել է տարիներ շարունակ այդ տեղանքում գանձագողերի գործունեությունը։
