Ինդոնեզիայի Արևմտյան Կալիմանթան նահանգում տղամարդը որոշել է հարևանների առջև վարժեցնել հսկայական թունավոր օձին և մահացել է դրա խայթոցից: Ականատեսի կողմից նկարահանված տեսանյութը հրապարակել է Daily Mirror-ը:
Նորջանի անունով շամանը թագավորական կոբրա է բռնել և մեկ շաբաթ պահել խրճիթում, որտեղ մարդկանց բուժում էր այլընտրանքային բժշկության մեթոդներով: Նա որոշում է իր հինգ մետրանոց օձին ցույց տալ հարևաններին: Կադրերում երևում է, թե ինչպես է ինդոնեզացին կանգնած՝ սողունն ուսերին: Երբ կոբրան նետվում է դեպի Նորջանին՝ նա ժպտալով շրջում է դեմքը:
Այնուհետև կոբրան բռնում է նրա աջ դաստակը: Շամանը կծկվում է ցավից, բայց շարունակում է նյարդայնացնել օձին: Նա հարվածում է օձի գլխին և փչում խայթած տեղը: Ականատեսների խոսքերով, Նորջանին հրաժարվել է տեղի բնակիչների օգնությունից և անցել է իր սովորական գործերին: Երկու ժամ անց նրան ծանր վիճակում տեղափոխել են հիվանդանոց:
Բժիշկները հիվանդին հակաթույն են տվել, բայց թույնն արդեն տարածվել էր նրա ամբողջ մարմնում: Նույն օրը երեկոյան Նորջանին մահանում է, իսկ նրա ընտանիքը սպանում է կոբրային՝ կտրելով սողունի գլուխը: