Լուրեր
Արդեն իսկ ձևավորվել է բալերի «սև շուկա», որն անհնար է վերահսկել․ ՃՈ-ն ստիպված է լինելու փոփոխությունների գնալ
  • 13:15
  • 2020-01-26
  • Դիտումներ՝ *

Ճանապարհային երթևեկության փորձագետ Արտակ Խաչատուրովի կարծիքով՝  հունվարի 1-ից ուժի մեջ մտած բալային  համակարգում կան մի շարք բացթողումներ, որոնք վարորդներին հնարավորություն են տալիս հմտորեն շրջանցել սույն օրենքի մի քանի դրույթ։

Խաչատուրովի խոսքերով՝ արդեն իսկ ձևավորվել է ապօրինի «սև շուկա», որի միջոցով, այն օրինախախտ վարորդները, որոնք սպառել են իրենց միավորները, կարող են որոշ գումարի դիմաց ձեռք բերել բալեր։

«Գրեթե յուրաքանչյուր ոլորտում շուրջ 5 տոկոսանոց վիճահարույց կոնտինգենտ կա, որը փորձում է շրջանցել օրենքը կամ իրեն օրենքից դուրս է դնում, և  վարորդները բացառություն չեն կազմում, այսինքն՝ մնացյալ 95 տոկոսը ոչ թե իդեալական վարորդներ են, այլ կարգապահ են  և  ճանապարհային երթևեկության կանոններին հետևում են, հիմա բալային համակարգն այդ 5 տոկոս կարգազանցներից շատ քչերի վրա կազդի, եթե, իհարկե, ազդի և սրանք էլ կօգտվեն հենց այդ  «սև շուկայից» , որը վերահսկել գրեթե անհնար է լինելու, սակայն, իհարկե, չեմ բացառում նաև, որ մյուս վարորդներն էլ կփորձեն այս տարբերակով իրենց համար բալեր ապահովել»,- «Առաջին լրատվական»-ի հետ զրույցում շեշտեց Արտակ Խաչատուրովը՝ միևնույն ժամանակ հավելելով նաև, որ բալային համակարգն արդյունավետ չի գործելու։

Նրա  դիտարկմամբ՝ շատ շուտով ՃՈ-ն ստիպված են լինելու փոփոխություններ մտցնել գործող օրենքում։

 

Մանրամասները՝ տեսանյութում։

 

 

 

  • Դիտումներ՝ *