Հարյուրավոր մարդկային ոսկորներ են հայտնաբերվել մեծահարուստ թայիլանդացու տան մոտակայքում գտնվող լճակում: Այս մասին գրում է Bangkok Post-ը:
Հունվարի սկզբին ոստիկանությունը ձերբակալել է 40-ամյա Ապիչայ Օնգվիսիտին: Նա կասկածվում էր 22-ամյա սիրուհու սպանության մեջ, որն անհետացել էր 2019-ի ամռանը: Խուզարկության ժամանակ Բանգկոկի նրա տան մոտ հայտնաբերվել է աղջկա մնացորդներով գերեզմանը: Աղջկան ճանաչել են մեջքի վրայի դաջվածքով:
Դրանից հետո վկաներից մեկը ոստիկանությանը պատմել է մարդասպանի մյուս զոհերի մարմինների մասին, որոնք կարող են թաքնված լինել լճակի մեջ: Նա ծանոթ էր Օնգվիզիտին և նրանց մասին իմացել է երկու տարի առաջ, երբ նրանք միասին թմրանյութ էին օգտագործում:
Մեծահարուստը վստահ էր, որ դրանք հնարավոր չէ գտնել, և ընկերոջը խոստացել է յուրաքանչյուր մարմնի համար հինգ հազար բահտ (10 հազար ռուբլի): Ընկերն ընդունել է մարտահրավերը, եւ երբ լճակից դուրս է բերել մարդկային գանգը Օնգվիզիտը փողի փոխարեն հանել է հրացանը եւ սկսել կրակել: Ընկերը փախել է եւ հրաշքով փրկվել:
Հինգշաբթի, հունվարի 16-ին, լճակի մեջ հայտնաբերվել է հագուստով և սավաններով փաթաթված մարդու կմախք: Հաջորդ օրը 20 ջրասուզակներ հինգ ժամ ուսումնասիրել են լճակի հատակը: Կմախքից 5 մետր հեռավորության վրա նրանց հաջողվել է գտնել եւս 288 ոսկոր: Ոստիկանությունը չի բացառում, որ ջրի տակ այլ անձանց մնացորդներ եւ ապացույցներ եմ թաքցված:
Օնգվիզիտը խոստովանել է, որ ինքը մեղավոր է միայն այն աղջկա մահվան մեջ, որի մարմինն առաջինն է հայտնաբերվել: Ըստ նրա, նա վախենում էր, որ աղջիկը կթողնի իրեն, ուստի գիշերները նրան փակում էր մետաղյա տուփի մեջ: 2019 թվականի օգոստոսին նա հայտնաբերել է, որ աղջիկը շնչահեղձ է եղել, և որոշել է թաքցնել մարմինը:
Հետաքննությունը ստուգում է Օնգվիզիտի հետ կապ ունեցող մի քանի կանանց անհետացումը, գրում է հրատարակությունը Metro- ն: Նրանց թվում են նրա ծանոթուհիներ, սիրուհիներ և մարմնավաճառներ, որոնց ծառայություններից նա օգտվում էր:
Ապիչայ Օնգվիզիտը ձեռնարկատեր Չալերմչայ Օնգվիսիթի որդին և ժառանգն է, որին բանգկոկում շուկա էր պատկանում: 1983-ին Չալերմչայան դատապարտվեց 15-ամյա աղջկա սպանության և մարմինը մասնատելու համար, ինչը ենթադրաբար ծրագրել էր նրա կինը ՝ Ափիչայի մայրը:
Ապիչայի հայրը հետագայում գնդակահարվեց, իսկ մայրը կրտսեր դստեր հետ փախավ արտասահման:
