Նոր անուն հայկական շուկայում․ Աշխարհի 150-ից ավելի քաղաքներում գործող Bolt երթևեկության հավելվածը այսօրվանից հասանելի է նաև Երևանում։ Արագ, հարմարավետ ու մատչելի սպասարկում նախընտրող ուղևորները կարող են ներբերռենլ կանաչ հավելվածը և օգտվել Bolt-ի ծառայություններից։ Ընկերությունը շահավետ աշխատանքային պայմաններ է առաջարկում նաև վարորդների համար։
«Bolt» ընկերությունը հիմնադրվել է դեռևս 2013թ-ին՝ Էստոնիայում՝ Մարկուս Վիլլինգի կողմից։ «Bolt»-ը ըստ «Ֆայնեշլ Թայմզ»-ի՝ հանդիսանում է ամենից արագ զարգացող տրանսպորտային ընկերություններից մեկը թե´ Եվրոպայում, թե´ Աֆրիկայում։
««Bolt» ընկերության հիմնական նպատակն է լինել էֆեկտիվ, այսինքն՝ մեր բոլոր գործողություններն ուղղված են լինելու դեպի էֆեկտիվություն, որը հնարավորություն է տալիս ավելի լավ պայմաններ առաջարկել թե´ վարորդների, թե´ ուղևորների համար։ Մենք վերցնում ենք միջազգային փորձը, ադապտացնում ենք այն մեր լոկալ շուկայի համար, գտնում ենք հնարավոր էֆեկտիվ սխեմաներ և այդ ամենը բերում է նրան, որ թե´ վարորդներն են շատ գումար աշխատում այս հավելվածի միջոցով, թե´ ուղևորներն ավելի լավ պայմաններով են օգտվում այսպիսի ծառայությունից։ Որպես օրինակ՝ կարող եմ ասել, որ մենք առաջարկում ենք ամենացածր միջնորդավճարը՝ 10 %-ի չափով, որը ներկա դրությամբ շուկայում այլ մրցակիցներ չունի»,- «Առաջին Լրատվական»-ի հետ զրույցում ասաց ««Bolt» ընկերության հայաստանյան ներկայացուցչության գործառնական ղեկավար Շահեն Աբրահամյանը։
Էստոնական այս ընկերությունը, մուտք գործելով հայկական շուկա, ոչ միայն արագ ու մատչելի է դարձնելու մարդկանց տեղաշարժը քաղաքում, այլ նաև ստանձնելու է պատասխանատվություն քաղաքի բնապահպանական խնդիրների լուծման ուղղությամբ։ Ընթացիկ տարում ընկերությունը հայտարարել է լայնամասշտաբ բնապահպանական նախաձեռնության մասին, որը հայտնի է «Կանաչ ռազմավարութուն» անվամբ։
Աբրահամյանի խոսքով՝ «Bolt» ընկերությունը բավականին պատասխանատու ընկերություն է նաև բնապահպանական առումով․ անցյալ տարվա սեպտեմբերին՝ հայտարարվել է «Կանաչ» նախագծի մասին, որի հիմնական նպատակն է չեզոքացնել ածխածնի արտանետումները, որը ստեղծվում է հավելվածի օգտատերերի օգտագործման արդյունքում: «Aյսինքն ավելի կոնկրետ՝ համագործակցում ենք «Natural Capital Partners» ընկերության հետ, որը միջազգային մեծ համբավ ունեցող ընկերություն է և նրանք օգնում են մեզ հաշվարկել ամբողջ ածխածնի արտանետումները, որոնք գոյանում են մեր գործունեությունից և դրանց չեզոքացման համար մենք համագործակցում ենք վերականգնվող էներգիայի տարբեր պրոյեկտների հետ։ Կոնկրետ այս ուղղությամբ տվյալ պահին ունենք երկու նախագիծ՝ Հյուսիսային Աֆրիկայում և Արևմտյան Հնդկաստանում, մասնավորապես Հնդկաստանում ունենք քամու, իսկ Աֆրիկայում արևային էներգիայի կայանների հետ աշխատելու նախագծեր, այսինքն ընդհանուր առմամբ փորձում ենք այնպես անել, որ այդ արտանետումների արդյունքում գոյացած վնասը չեզոքացվի վերականգնվող էներգիայի միջոցով։ Մոտակա 5 տարվա ընթացքում պատրաստվում ենք 10 միլիոն եվրոյի չափով ներդրումներ կատարել հենց այս ուղղությամբ»։
Այն, որ նախագիծը Հայաստանում ևս մեծ հաջողություններ է արձանագրելու՝ թիմի անդամները չեն տարակուսում։
Թեև այս պահին «Bolt»-ի հայաստանյան ներկայացուցչության աշխատանքային թիմը բաղկացած է 12 անդամից, սակայն ընկերության ներկայացուցիչները վստահեցնում են՝ առաջիկայում ընդլայնելու են իրենց գործունեության շրջանակը և ավելի ու ավելի են կատարելագործելու մատուցվող ծառայության որակը։
Առավել մանրամասն՝ տեսանյութում: