Այսօր՝ հունվարի 20-ին, Ազգային ժողովում մեկնարկել է 7-րդ գումարման 4-րդ նստաշրջանը: Այժմ քննարկվում է Հանրաքվեի մասին օրենքում փոփոխություններ կատարելու մասին հարցը:
«Նախորդ իշխանությունները չեն գնացել այս կարգավորումներին, որովհետև ընդդիմախոսները շատ հեշտ կարող էին անհրաժեշտ ստորագրությունները հավաքել և ցանկացած նախաձեռնությամբ հանդես գալ, ինչը կարող էր տակնուվրա անել նրանց քաղաքական օրակարգը»,- հայտարարեց պատգամավոր Արման Բաբաջանյանը:
Պատգամավորի կարծիքով՝ այո, արտերկրում գտնվող ՀՀ քաղաքացիների ընտրական իրավունքը պետք է վերականգնել: «Բայց կարծում եմ, որ մենք մի քիչ շատ ենք միամիտ. այս կարգավորումից մեծապես օգտվելու են այսօր հակահեղափոխական շատ քաղաքական շերտեր, և չի բացառվում, որ սքողված կամ այլևայլ ճանապարհներով փորձեն նախագծեր շրջանառության մեջ դնել հայտնի քաղաքական նախկինները: Եվ այստեղ կարող ենք օրակարգը պերմանենտ պահել սթրեսի մեջ, ինչը ցանկալի չէ»:
Արման Բաբաջանյանի խոսքով՝ նաև կարող են օգտագործել դրսում գտնվող մեր քաղաքացիներին:
Մանրամասները՝ տեսանյութում:
