Հուլիսի 19-ին 83 տարեկանում մահացել է Ուրուգվայի նախկին բռնապետ Խուան Ամրիա Բորդաբերին, որը 1973-1985 թթ. գլխավորել է Ուրուգվայի ռազմական բռնապետությունը: Նա մահացել է բանտում, ուր դատարանի որոշմամբ 30 տարի պետք է անցկացներ երկրի սահմանդրական կարգը տապալելու, ինչպես նաև մարդու իրավունքները խախտելու համար: Հաշվի առնելով նրա պատկառելի տարիքը և առողջական ծանր վիճակը՝ վերջին շրջանում նա պահվում էր տնային կալանքի ներքո:
Ինչպես հաղորդել է նրա որդին և մամուլի քարտուղարը՝ Պեդրո Բորդաբերին, նախկին բռնապետը մահացել է սրտի հիվանդությունից: «Վերջին երկու տարիներին նա շատ հիվանդ էր, իսկ օրերս շատ էր թուլացել»,- ասել է նա Еl Pais թերթին: Բռնապետին հրաժեշտ տալու համար միայն ամենամոտ բարեկամներին է թույլատրվել ներկա գտնվել հրաժեշտի արարողությանը:
