Ամբողջ աշխարհում համացանցի ուժն անհերքելի է։ Սակայն կան երկրներ որոնք որոշակի սահմանափակումներ են մտցնում համացանցային տիրույթի գործածման մեջ։Օրինակ Նախորդ տարի Չինաստանի իշխանություններն ամբողջովին փակեցին իրենց երկրի տարածքում «Վիկիպեդիա» համացանցային հանրագիտարանի հասանելիությունը։ Time ամսագրի հրապարակման համաձայն՝ կայքի հասանելիությունն այդ երկրում սահմանափակված էր․ հասանելի չէր հանրագիտարանի չինարեն տարբերակը։ Հիմա արգելքը տարածվել է բոլոր լեզուներով տարբերակների վրա։ Հիմա Չինաստանում արգելված են նաև Facebook, Twitter, LinkedIn և այլ համացանցային տարածված հարթակներ։ Սակայն չինացիների մի մասը գիտի այս արգելքը շրջանցելու ձևը և շարունակում է օգտվել այդ հարթակներից։
Մասնավորապես` խոսքը VPN ծառայությունների մասին է, երբ էլեկտրոնային սարքը կայք «մտնում է» ոչ թե անմիջականորեն, այլ միջնորդավորված։ Հարևան Թուրքիայում իշխանությունները 2 տարի արգելափակելուց հետո վերացրել են աշխարհում ամենամեծ համացանցային հանրագիտարանի` Wikipedia-ի արգելքը։ Կայքն արգելափակվել էր 2017-ի ապրիլից առանց պաշտոնական պատճառների հրապարակման:
Wikipedia-ի գլխավոր կառույցի՝ Wikimedia Foundation-ի ներկայացրած բողոքարկման մեջ նշվում է, որ արգելափակման պատճառ են հանդիսացել «Արտասահմանի միջամտությունը Սիրիայում քաղաքացիական պատերազմի ժամանակ» և «Պետական ահաբեկչություն» հոդվածները: Բացի Wikimedia Foundation-ից թուրքական իշխանությունների որոշումը Սահմանադրական դատարանում բողոքարկել են նաև Թուրքիայի հասարակական քաղաքական գործիչներ Յաման Ակդենիզը և Քերիմ Ալտիպարմակը: Նրանք հայտարարել են, որ արգելափակումը խախտում է իրենց տեղեկատվություն ստանալու ազատության իրավունքը: Հավելեմ, որ «Վիկիպեդիան» արգելված է նաև Վենեսուելայում։