Facebook սոցիալական ցանցում ստեղծվել է խումբ, որտեղ «Տրանսֆորմեր» ֆիլմի երկրպագուն և ապագա հայրը կոչ է արել սոցցանցի օգտատերերին միանալ խմբին: Եթե միացած օգտատերերի թիվը անցնի մեկ միլիոնից, նա իր երեխային կկնքի ֆիլմի հերոսներից մեկի` Մեգատրոնի անունով: Այս մասին հաղորդում է Associated Press գործակալությունը:
Նշվում է, որ նրա կինը խիստ կասկածում է, թե որքանով է նման մտահղացումը հաջողված: Սակայն ապագա հայրը պատրաստվում է կնոջը համոզել դրանում` խմբում հավաքելով մեկ միլիոն օգտատեր: Այս պահին խմբում գրանցվել է մոտ 22 հազար մարդ: