Գվատեմալայի նոր նախագահ Ալեխանդրո Ջամատեին կատարել է խոստումը եւ խզել է Վենեսուելայի հետ դիվանագիտական կապերը, հաղորդում է AGN-ը:
«Արտաքին գործերի նախարարին ցուցում է տրվել, որ միակ մարդը, որը դեռ մնում է Վենեսուելայի դեսպանատանը, լքի դեսպանատան տարածքը: Մենք փակում ենք Վենեսուելայի կառավարության հետ հարաբերությունները: Փակում ենք եւ դեսպանատունը», Գվատեմալայի նախագահի խոսքերն է մեջբերել գործակալությունը:
Նոյեմբերի սկզբին Ջամատեին հայտարարել է, որ 2020 թվականի հուվարին կայանալիք երդման արարողությունից հետո խզելու է Վենեսուելայի հետ դիվանագիտական հարաբերությունները: Երդման արարողությունը կայացել է հունվարի 14-ին:
Վենեսուելայում անցած տարվա հունվարին զանգվածային անկարգություններ էին սկսվել գործող նախագահ Նիկոլա Մադուրոյի դեմ: Ընդդիմության ձեռքում գտնող Ազգային ժողովի նախագահ Խուան Գուաիդոն իրեն ապօրինաբար հռչակեց պետության ժամանակավոր ղեկավար: ԱՄՆ-ի գլխավորությամբ մի քանի արեւմտյան երկրներ հայտարարել էին Գուադիոյի իշխանության ճանաչման մասին: Իր հերթին Մադուրոն ԱԺ ղեկավարին անվանել է ԱՄՆ-ի խամաճիկ: Ռուսաստանը, Չինաստանը, Թուրքիան եւ մի շարք այլ երկրներ Մադուրոյին ճանաչել են որպես լեգիտիմ նախագահ: