Թեհրանում Մեծ Բրիտանիայի դեսպան Ռոբերտ Մաքեյրը հայտարարել է, որ Իրանում չի մասնակցել որևէ բողոքի ցույցի: Այս մասին նա գրել է Twitter-ում:
Դեսպանի խոսքերով, նրա նպատակը չի եղել բողոքի ցույցերին մասնակցելը, այլ այն, ինչ հայտարարվել է՝ ուկրաինական Boeing ինքնաթիռի վթարի զոհերի հիշատակը հարգելը:
«Ես կարող եմ հաստատել, որ չեմ մասնակցել ցույցերին»,- շեշտել է դեսպանը:
Նրա կարծիքով, նման հիշատակի միջոցառումներին մասնակցելը նորմալ արձագանք է՝ հարգանքի տուրք ավիավթարի զոհերի հիշատակին:
«Ես լքել եմ դեպքի վայրը հինգ րոպե առաջ այն բանից, երբ ինչ-որ մեկը սկսեց վանկարկել»,- հավելել է Մաքեյրը:
Կիևում վթարի ենթարկված ուկրաինական Boeing ինքնաթիռը կործանվել է հունվարի 8-ին Թեհրանի օդանավակայանից թռիչքի մեկնարկից անմիջապես հետո: Օդանավում գտնվող բոլոր 176 մարդիկ զոհվել են: Ավելի ուշ իրանական զորքերը հայտնել են, որ ինքնաթիռը սխալմամբ գնդակոծվել է երկրի ՀՕՊ համակարգերի կողմից: