Իրանցի ազդեցիկ գեներալ Ղասեմ Սոլեյմանիի սպանությունից և Իրաքում ամերիկյան ռազմաբազաների հրթիռակոծությունից հետո թվում էր՝ պատերազմն անխուսափելի է, բայց ԱՄՆ նախագահ Դոնալդ Թրամփի չորեքշաբթի առավոտվա հայտարարությունից հետո կարծես թե մթնոլորտը միառժամանակ մեղմվեց: Թեմայի շուրջ «Առաջին լրատվական»-ը զրուցել է «Օրբելի» կենտրոնի փորձագետ, իրանագետ Արմեն Իսրայելյանի հետ:
«Այն, որ ինչ միջոցներով էլ լիներ, իրավիճակը հանդարտվեց՝ դրական է: Բայց ասել, որ այդ ուղերձը կամ Իրանի գործողությունները նպաստեցին իրադրության բարելավմանը կամ լարվածության թուլացմանը, ցավոք սրտի՝ ոչ: Առաջին անգամ չէ, որ Միացյալ Նահանգների կողմից հնչում է բանակցությունների առաջարկ, իրանական կողմի պատասխանն էլ հայտնի է: Այսինքն՝ սա նոր ուղերձ չէր, բնական է, որ Թեհրանը չէր արձագանքելու, առավել ևս՝ ռազմական բախումից հետո…»:
Ինչ վերաբերում է միջուկային համաձայնագրին, ապա մեր զրուցակիցը փաստեց, որ այն չի գործում և ձախողված է: «Ինչ վերաբերում է բանակցություններին և նախապայմաններին, ապա երկու կողմերն այն աստիճանի են իրենց դիրքորոշումները կոշտացրել և առավելագույն շեմ սահմանել, որ շատ դժվար է զիջումների գնալ… Տարածաշրջանում Միացյալ Նահանգների դաշնակիցները ևս մտահոգված են և փորձում են իրավիճակը հանդարտեցնելու ուղիներ փնտրել՝ ելնելով իրենց շահերից»:
Առավել մանրամասն՝ տեսանյութում: