ԱՄՆ նախագահ Դոնալդ Թրամփը հայտարարել է, որ չի բացառում իրանցի գեներալ Քասիմ Սուլեյմանիի սպանության վերաբերյալ հետախուզության տվյալների հրապարակումը։ Այս մասին հաղորդում է ՌԻԱ «Նովոստին»։
Պատասխանելով՝ նման տվյալներ հրապարակելու հնարավորության մասին լրագրողների հարցին, Թրամփն ասել է, որ դա «կարելի է քննարկել»։
Մինչ այդ դեմոկրատները կոնգրեսում մեղադրել էին նախագահին՝ առանց օրենսդիրների պաշտոնական հավանությունը ստանալու Սուլեյմանիին ոչնչացնելու վերաբերյալ հրաման տալու համար՝ պահանջելով օպերացիայի վերաբերյալ տվյալներ տրամադրել։ ԱՄՆ նախագահը պատասխանել է, որ պարտավոր չէր նրանցից թույլտվություն խնդրել։
Հունվարի 3-ին ԱՄՆ հրթիռային հարվածի արդյունքում սպանվեց Իրանի Իսլամական հեղափոխության պահապանների կորպուսի (Իրանի ԶՈՒ ընտրատեսակ ուժեր) «Ղոդս» հատուկ ստորաբաժանման հրամանատար Ղասեմ Սուլեյմանին։ Դրանից հետո Իրաքի խորհրդարանը հավանություն տվեց ԱՄՆ զորքերը դուրս բերելու վերաբերյալ խնդրանքով բանաձևին։ Ներկայումս Իրաքում մոտ 5200 ամերիկյան զինվոր է գտնվում։