2019 թվականը ամփոփելու նպատակով «Առաջին լրատվական»-ը հյուրընկալել է մշակութային մարդաբան Աղասի Թադևոսյանին և կրթության փորձագետ Արեգ Թադևոսյանին:
«Ամենակարևոր փոփոխություններից մեկը իշխանություն-հասարակություն դիստանցիայի կրճատումն էր, որը տեղի ունեցավ իշխանության փոփոխության՝ հեղափոխական պրոցեսների ընթացքում»,- նշեց Աղասի Թադևոսյանը:
Մեր զրուցակցի խոսքով՝ մյուս կարևոր փոփոխությունն այն էր, որ իշխանության բարձրագույն մարմիններում կարևորվեց և հանրայնորեն հնչեցվեց, որ մարդը արժեք է. «Նման բան չէր եղել մեզ մոտ. մի բան է այդ մասին ձևական խոսելը, մեկ այլ բան է, երբ մարդիկ տեսնում են, որ դա ասողը՝ երկրի վարչապետը, դրան հավատում է, դա իր համոզմունքն է»:
Մշակութային մարդաբանը շատ կարևորում է վերևի՝ իշխանության մեջ տեղի ունեցող փոփոխությունները, ինչը կարագացնի հասարակության մեջ ընթացող պրոցեսները:
Արեգ Թադևոսյանն էլ հավելեց, որ նախկինում մարդկանց մեջ խորքային համոզվածություն կար, որ ոչինչ չի փոխվելու. «Ճահճի հոտ էր գալիս, բայց նման էր ժայռի: Եվ հիմա ամենակարևոր բանն այն է, որ ապագայի նկատմամբ հույս կա, և հնարավորությունների պատուհան է բացվել: Իմ կարծիքով՝ դա ամենաարժեքավոր ռեսուրսներից մեկն է»:
Հարցազրույցն ամբողջությամբ՝ տեսանյութում: