2020 թվականի խորհրդանիշը մետաղական սպիտակ Առնետն է: Աստղաբաններն ու ոճաբանները նշել են, թե ինչպես կարելի է արժանանալ կրծողի բարեհաճությանը, որպեսզի աստղերն ու նորաձևությունը ճիշտ մեկտեղվեն տոնին, փոխանցում է «ՌԻԱ Նովոստին»:
Տրամադրության գույնը՝ սպիտակ-մոխրագույն
Նախընտրելի է Նոր տարին դիմավորել սպիտակ հագուստով, կարելի է նաև արծաթե երանգներ ավելացնել, որոնք կօգնեն շտկել ֆինանսական խնդիրները: Գլխավորը կերպարի բնականությունն է, խնամված տեսքը, դիմահարդարումն ու մանիկյուրը, որոնք կշեշտեն բնական գեղեցկությունը: Տնակյաց Առնետին դուր կգա դա:
Իսկ սև գույնն ավելի լավ է թողնել հետոյի համար, նշում են աստղաբանները: Նրանց խոսքերով, 2020 թվականն առանց այդ էլ բավականին բարդ է լինելու և անհրաժեշտություն չկա լրացուցիչ մռայլ էներգետիկա ստեղծել ձեր շուրջը:
Զգեստներ. շեշտադրվում են կտրվածքն ու գործվածքը
Ոճաբանները խորհուրդ են տալիս ուշադրություն դարձնել պարզ կտրվածքով, բայց հարուստ հյուսվածքով գործվածքներից պատրաստված զգեստներին:
«Փուլերը, մետաքսը, թավիշը, շիֆոնը, շղարշը, դիպակը և ատլասը ինչպես երբևէ տեղին են: Չպետք է մոռանալ աքսեսուարների մասին. կերպարը կարելի է լրացնել փոքրիկ պայուսակով և կոնտրաստային կոշիկներով: Եթե Նոր տարին դիմավորում եք տանը, ապա ներքնազգեստի ոճի զգեստ ընտրեք»,- խորհուրդ են տասլիս ոճաբանները:
Բլուզներ 80-ականների ոգով
Ըստ ոճաբանների, այս տարի աներևակայելի ակտուալ է 80-ականների ոճը. ծավալուն ուսեր, փոռիկներով թևեր, մետալիկ գործվածք: Կիսաշրջազգեստի առաջարկվող երկարությունը մինի կամ միդի չափսն է: Սեզոնի գլխավոր թրենդներից են նաև 80-ականներից եկող օրգանզայից բլուզները: Դրանք կարող են ամբողջովին կամ մասնակի թափանցիկ լինել՝ բացելով ձեռքերը կամ մեջքը: Այդպիսի բլուզները պետք է համադրել նույն երանգի, մարմնագույն կամ կոնտրաստային ներքնազգեստի տոպով:
Տաբատով կոստյումներ և կոմբինիզոններ
Նոր տարին նշելու ևս մեկ տարբերակ է տաբատով ոճային կոստյումը կամ կոմբինիզոնը: Ոճաբանների կարծիքով, այս հագուստի առավելություն այն է, որ դրանք այլ հագուստի հետ համադրելու անհրաժեշտություն չկա և ցանկացած տիպի կազմվածքի համար դրանք նախընտելի տարբերակ են:
Ինչպես նշել տոնը
Ինչ կերպար էլ ընտրեք, աստղաբանները խորհուրդ են տալիս Նոր տարին դիմավորել ընտանիքի հետ՝ առավել հարմարավետ պայմաններում:
Ըստ արևմտյան աստղագուշակության 2020 թվականը Լուսնի տարի է: Այն անսպասելի ֆինանսական հնարավորություններ կբերի. դա կարող է լինել կարիերայում կտրուկ թռիչքի, լրացուցիչ եկամուտի կամ սիրած հոբբիից շահույթի ձևով:
