«Իմ քայլի» պատգամավոր, ՀՀ ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը նշել է, թե «Մարտի 1»-ի գործին շուտով կավելանա նաեւ «Հոկտեմբերի 27»-ի գործը: Սա իսկապես չափազանց կարևոր արձանագրում է, որը վաղուց պետք է արվեր։ Հայաստանի Հանրապետության ընթացքն ու զարգացումը չեն կարող լիարժեք լինել, քանի դեռ այս երկու գործերը բացահայտված չեն, քանի որ մեր նորագույն պատմությունը անընդհատ պտտվում է այդ ծանրագույն հանցագործությունների շուրջը և ոչ մի կերպ չի կարողանում ազատագրվել դրանից։
Քանի դեռ հոկտեմբերի 27-ը ամբողջությամբ չի բացահայտվել ու դրա իրական պատվիրատուները գտնված չեն, ոճրագործության կրկնությունը երբևէ չի կարելի բացառել։ Հայաստանի բոլոր այն իշխանությունները, որոնք կհամարձակվեն հանդես գալ ինքնիշխանության և անկախության դիրքերից մշտապես հարվածի տակ են, քանի որ կա հոկտեմբերի 27-ի նախադեպը, իսկ դրա հետևանքները վերացված չեն։
Նույն տրամաբանությունը գործում է նաև մարտի 1-ի պարագայում։ Քանի դեռ այն բացահայտված չէ և մեղավորները պատժված չեն, ապագայի իշխանությունները միշտ էլ մտքներում ունենալու են Քոչարյանի հանցագործությունը կրկնելու գայթակղությունը, այսինքն՝ հանուն սեփական փրկության գնդակահարել խաղաղ ժողովրդին, տանկերով լխճել ու ոստիկանական մահակներով ծեծի ենթարկել նրան։
Փաստացի Հայաստանը երկու քրեական գործերի արանքում քարշ եկող պետություն է, քանի դեռ դրանք չեն բացահայտվել մենք դեռ երկար ժամանակ շարունակելու ենք քարշ գալ։
