Ռուսաստանի նախագահ Վլադիմիր Պուտինը համարում է, որ ինտերնետն առաջ է եկել որպես ԿՀՎ-ի նախագիծ, տեղեկացնում է BBC-ի ուկրաինական ծառայությունը։
«Այդ ամենը (ինտերնետը) առաջ է եկել որպես ԱՄՆ ԿՀՎ-ի հատուկ նախագիծ, այդպես էլ զարգանում է»,- հայտարարել է Ռուսաստանի առաջնորդը Սանկտ Պետերբուրգում Մեդիաֆորումի նիստին։
Նրա խոսքով՝ Ռուսաստանում անհրաժեշտ է տեղակայել խոշորագույն ազգային ինտերնետ-ռեսուրսների սերվերներ և պաշտպանել այնտեղ պահվող ինֆորմացիան, քանի որ ԱՄՆ-ում, որով անցնում է տվյալների հիմնական հոսքը, ամեն ինչ վերահսկվում է։
Նախկինում, նշել է Պուտինը, ռուսական ընկերությունները հնարավորություններ չունեին այդպիսի կապիտալ ներդրումների համար, բայց հիմա դրանք ի հայտ են գալիս։
