Իրանը պատրաստ Է միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) շուրջ իրադրության զարգացման բոլոր սցենարներին, եթե եվրոպական երկրները գործարկեն այն մեխանիզմը, որը կարող Է բերել Թեհրանի դեմ պատժամիջոցների վերականգնման: Այդ մասին հայտարարել Է Իսլամական Հանրապետության կառավարության պաշտոնական ներկայացուցիչ Ալի Ռաբիին:
Նրա խոսքով՝ Իրանն առաջվա պես շահագրգռված Է միջուկային գործարքի պահպանմամբ եւ այդ հարցում իր դիրքորոշումը չի փոխել: «Մենք կոչ ենք անում գործարքի կողմերին՝ ամբողջությամբ կատարել իրենց պարտավորությունները»,-ասել Է Ռաբիին, հիշեցնելով, որ Իրանը կարող Է վերադառնալ իր պարտականությունների կատարմանը, որոնցից նա ավելի վաղ հրաժարվել Է: Խոսելով եվրոպական երկրների կողմից միջուկային գործարքի հետ կապված վեճերի լուծման մեխանիզմի գործարկման «սպառնալիքների» մասին, որը կարող Է բերել Իրանի դեմ պատժամիջոցների վերականգնման, նա հայտարարել Է. «Մենք պատրաստ ենք ցանկացած սցենարի», հաղորդել Է ՌԻԱ Նովոստի գործակալությունը:
