Իրանին սպառնալու նպատակով Իսրայելը մի քանի ռազմական ինքնաթիռ է տեղակայել Ադրբեջանում, այս մասին հայտարարել է ամերիկացի անվտանգության մասնագետ Գորդոն Դաֆը։
Մասնագետը նշել է, որ Ադրբեջանի և Իսրայելի միջև որոշակի պայմանագրեր գոյություն ունեն, որոնց շրջանակներում էլ կատարվել է ինքնաթիռների տեղակայումը։
Բացի այդ, ինչպես նշում է Դաֆը, Իսրայելը միլիոնավոր դոլարների պայմանագրեր է կնքել նաև Թուրքիայի հետ, ինչի շնորհիվ էլ ապահովել է իր ռազմական ինքնաթիռների տեղափոխումն Ադրբեջան։
Նշված պայմանագրերի համաձայն՝ Իսրայելն առնվազն 5 ռազմական ինքնաթիռ է ուղարկել Ադրբեջան և, ինչպես նշում է Դաֆը, այդտեղից պատրաստվում է դեմ դուրս գալ Իրանի զինված ուժերին։
