Համաշխարհային տնտեսության մեջ հաջորդ տասը տարիները կլինեն «ուղղաթիռային փողի» դարաշրջան: Սա հասկացություն է, որը ենթադրում է փողերի բաշխում բոլոր ցանկացողներին։ Այս կանխատեսումը արել է շվեյցարական Julius Baer բանկի ներդրումային կառավարման տնօրեն Իվ Բոնզոնը՝ տեղեկացնում է lenta.ru-ն։
2020-2029 թվականների երկարաժամկետ միտումների կանխատեսումներում ասվում է, որ ամբողջ աշխարհի կենտրոնական բանկերը ստիպված կլինեն այդ քայլին դիմել՝ համաշխարհային տնտեսական աճի շարունակական դանդաղընթացի պատճառով:
Ըստ Բոնզոնի՝ ներկայիս դրամավարկային քաղաքականությունը հասել է իր գագաթնակետին, զրոյական և նույնիսկ բացասական ներդրումները չեն լուծում խնդիրը, իսկ միջոցների ուղղումը ֆինանսական հատվածին («քանակական թեթևացում») այլևս չի գործում:
Փոխարենը, կարծում է բանկիրը, կարգավորողները կսկսեն միանվագ վճարներ տրամադրել բոլոր քաղաքացիներին՝ դրանով իսկ խթանելով սպառողական աճը: Նման «բացասական հարկումը» կնպաստի գնողունակության վերաբաշխմանը՝ հօգուտ ամենացածր եկամուտ ունեցող մարդկանց խմբերի:
