Դեկտեմբերի 19-ին Թուրքիայի նախկին վարչապետ Ահմեդ Դավութօղլուի կողմից օրերս հիմնադրված «Ապագա» (Gelecek) կուսակցության հիմնադիր խորհրդի նիստի ընթացքում ընտրվել են կուսակցության գործադիր խորհրդի, էթիկայի և կարգապահական հանձնաժողվների անդամներ: Կուսակցության նախագահ է ընտրվել Դավութօղլուն։
Կուսակցության 60 հոգուց կազմված գործադիր խորհրդի անդամների թվում է նաև ազգությամբ հայ լրագրող, հրապարակախոս Էթյեն Մահչուփյանը:
Էթյեն Մահչուփյանը Ահմեդ Դավութօղլուի վարչապետության օրոք Վարչապետի գլխավոր խորհրդականի պաշտոնն էր զբաղեցնում։ Սակայն 2015 թվականի ապրիլին Մահչուփյանը ազատվել էր զբաղեցրած պաշտոնից: Մահչուփյանը պատճառաբանել էր, որ պաշտոնից ազատվել է «տարիքային ցենզի» սահմանափակման պատճառով, սակայն թուրքական բազմաթիվ ԶԼՄ-ներ Մահչուփյանի հետ կատարվածը մեկանաբանել են այն կերպ, որ նրա պաշտոնանկության պատճառը Հայոց ցեղասպանության մասին բացահայտ խոսելն էր։