Թուրքիան դատապարտում է ԱՄՆ Կոնգրեսի կողմից հաստատված դաշնային բյուջեն, որը Թուրքիայի դեմ ուղղված և ամերիկա-թուրքական հարաբերությունները խաթարող կետեր է պարունակում, հայտարարել է Թուրքիայի ԱԳՆ մամուլի քարտուղար Համի Աքսոյը:
ԱՄՆ սենատը նախօրեին ավարտվել է 2020 ֆինանսական տարվա դաշնային բյուջեի ընդունումը, փաստաթղթերն ուղարկվել են նախագահ Դոնալդ Թրամփի ստորագրմանը:
Հայտարարության մեջ ասվում է նաև, որ ամերիկացի կոնգրեսականները, հայտնվելով Թուրքիայի հակառակորդների գործիքների դերում, «որոնք փորձում են հարվածել դաշնակիցների հայեցակարգին, այդպիսով խարխլում են իրենց հեղինակությունն ու կորցնում վստահությունը»:
«Նրանք, ովքեր ձգտում են ապօրինաբար արգելափակել մեր երկիր F-35 ինքնաթիռների մատակարարումը, ինչպես նաև խաթարել Կիպրոսի կարգավորմանն ուղված ջանքերը և Միջերկրական ծովի արևելյան հատվածում համագործակցության հնարավորությունը, ի վերջո կհասկանան, որ իրենց փորձերն առաջին հերթին վնասում են ԱՄՆ-ի շահերին և չեն ծառայում տարածաշրջանում խաղաղության և կայունության հաստատմանը»,- ասվում է Աքսոյի հայտարարությունում: