Ռուսաստանից Վրաստան Չեչնիայի տարածքով ճանապարհի կառուցումը լավ գաղափար է, բայց Ռուսաստանի իշխանություններն առայժմ մտադրություն չունեն իրականացնել այս նախագիծը, հայտարարել է Ռուսաստանի նախագահ Վլադիմիր Պուտինը Մոսկվայում ընթացքող մեծ մամուլի ասուլիսում:
Ներկայումս Ռուսաստանի հետ Վրաստանի ցամաքային սահմանի միակ գործող անցակետը «Կազբեգի-Վերին Լարս»-ն է: Այս ճանապարհը տանում է դեպի Ռուսաստանի Հյուսիսային Օսիա, բայց ձմռանը անվտանգության նկատառումներից ելնելով այն պարբերաբար փակվում է:
«Այո, իսկապես խնդիրներ կան (տրանսպորտային) Վրաստանի հետ, հատկապես ձմռանը, երբ ամեն ինչ ձյունով է ծածկվում: Իհարկե, մենք գիտենք … Դա (Չեչնիայի տարածքով ճանապարհ կառուցելը) լավ գաղափար է, բայց այս պահին դա բացակայում է տրանսպորտի նախարարության գործնական ծրագրերից: Չնայած այն հայտնի է և, սկզբունքորեն, իրագործելի» – հայտարարել է Պուտինը:
